by ജനുവരി 11 കുണ്ടറ വിളംബരം
1809 ജനുവരി 11നു കൊല്ലം ജില്ലയിലെ കുണ്ടറയിൽ വച്ച് അന്നത്തെ തിരുവിതാംകൂർ ദിവാനായിരുന്ന വേലുത്തമ്പി ദളവ നടത്തിയ ചരിത്രപ്രസിദ്ധമായ പ്രഖ്യാപനമാണ് കുണ്ടറ വിളംബരം എന്നറിയപ്പെടുന്നത്. കേരളത്തിലെ സ്വാതന്ത്ര്യ സമരത്തിലെ തിളക്കമാർന്ന ഏടാണ് കുണ്ടറ വിളംബരം.
ജനുവരി 12 വിവേകാനന്ദ ജയന്തി
സ്വാമി വിവേകാനന്ദന്റെ ജന്മദിനമായ ജനുവരി 12 രാജ്യം യുവജന ദിനമായി കൊണ്ടാടുന്നു. ഒരു ജനതയെ മുഴുവൻ ആവേശഭരിതരാക്കിയ നേതാവായിരുന്നു വിവേകാനന്ദൻ. 1863 ജനുവരി 12 ന് കൊൽക്കത്തയിലാണ് ജനിച്ചത്.ശ്രീരാമകൃഷ്ണ പരമഹംസരുടെ ശിഷ്യനായിരുന്നു. മതവും ജാതിയുമല്ല, ആഹാരവും അറിവുമാണ് രാജ്യത്തെ
മുഖ്യവിഷയമെന്ന് അദ്ദേഹം തിരിച്ചറിഞ്ഞു.1893 ൽ ചിക്കാഗോയിലെ ലോകമത സമ്മേളനത്തിൽ പങ്കെടുത്തതോടെ ലോകപ്രശസ്തനായി. 1902 ജൂലൈ 14ന് അന്തരിച്ചു.
ജനുവരി 13 സി.അച്യുതമേനോൻ
കേരളത്തിലെ ഏറ്റവും പ്രഗത്ഭരായ മുഖ്യമന്ത്രിമാരിൽ ഒരാൾ. 1913 ജനുവരി 13ന് തൃശ്ശൂരിൽ ജനിച്ചു. സ്വാതന്ത്ര്യ സമര സേനാനിയായിരുന്നു. 1957ലെ ഇ എം എസ് മന്ത്രിസഭയിൽ ധനകാര്യ മന്ത്രിയായിരുന്നു. പിന്നീട് 1970 മുതൽ 1977 വരെ മുഖ്യമന്ത്രിയായി മികച്ച എഴുത്തുകാരനുമായിരുന്നു. 1991 ആഗസ്റ്റ് 16ന് അന്തരിച്ചു.
