"TV ഓൺ ചെയ്‌ത് കൊടുത്താൽ പിന്നെ അവൻ അടങ്ങിയിരുന്നോളും!" ചില രക്ഷിതാക്കൾ തങ്ങളുടെ കുട്ടികളെപ്പറ്റി പറയുന്ന കാര്യമാണിത്. എന്നാൽ കുട്ടികളെ TVയ്ക്ക് മുന്നിൽ പിടിച്ചിരുത്തുന്നതിന് മുൻപ് ചില കാര്യങ്ങൾ ശ്രദ്ധിക്കണം.
ചെറിയ കുട്ടികൾ TV കാണുന്നത് നല്ലതല്ലെന്നാണ് പഠനങ്ങൾ പറയുന്നത്. TVയിൽ മിന്നിമറയുന്ന ദൃശ്യങ്ങൾ കുട്ടികളുടെ കണ്ണിന് കേടാണ്. മാത്രമല്ല കുട്ടികളുടെ ഏകാഗ്രതയും കുറയും.
ചില രക്ഷിതാക്കൾ കുട്ടികളെ ഭക്ഷണം കഴിപ്പിക്കുന്നതു പോലും TVയ്ക്ക് മുന്നിൽ ഇരുത്തിയാണ്. അത് ആരോഗ്യകരമായ ഭക്ഷണ ശീലമല്ല.
വീട്ടിൽ ചടഞ്ഞുകൂടിയിരുന്ന് TV കാണുന്ന കുട്ടികൾക്ക് മടിയും അലസതയും ഉണ്ടാകും. കൂട്ടുകൂടി കളിക്കുന്നതാണ് എന്തുകൊണ്ടും നല്ലത്.
കുട്ടികളെ TV കാണിക്കരുത് എന്നല്ല, അവർക്ക് ഇഷ്ടപ്പെടുന്ന കാർട്ടൂണുകളും വാർത്തകളും കൗതുകങ്ങൾ നിറഞ്ഞ പരിപാടികളും കാണാൻ അനുവദിക്കാം.
പഠനത്തിലും കളിക്കുമെന്നപോലെ കുട്ടികൾ TV കാണുന്നതിലും നിയന്ത്രണം വേണം.
കുട്ടികൾ പഠിക്കുന്ന സമയത്ത് മുതിർന്നവർ ഉച്ചത്തിൽ TV വയ്ക്കുന്നതും നല്ലതല്ല. കുട്ടികളെ ഉപദേശിക്കുമ്പോൾ രക്ഷിതാക്കളും അത് പാലിക്കണം.
TVയിൽ കാണുന്ന കാഴ്ചകളേക്കാൾ വലിയ കാഴ്ചകൾ പ്രകൃതിയിലും നമ്മുക്ക് ചുറ്റുമുണ്ട്. കുട്ടികളുടെ ശ്രദ്ധയും താത്പര്യവും അതിലേയ്ക്ക് പിന്തിരിപ്പിക്കാൻ ശ്രമിക്കാം.
Etiam at libero iaculis, mollis justo non, blandit augue. Vestibulum sit amet sodales est, a lacinia ex. Suspendisse vel enim sagittis, volutpat sem eget, condimentum sem.
by 
